भाई भोजपुरिया

भाई भोजपुरिया हो भाई भोजपुरिया ,

कर ना तुही कुछ जोगार ना त देसवा बिरान हो जाई ,

अठारह स संतावन या उनीस स बेआलिस हो ,

पड़ल बा तहरे दरकार ना त देसवा बेजार हो जाई ,

तोहरे में मंगल पांडे अलख जगावे ले ,

तोहरे में बाबु कुंवर दमवा दिखावे ले ,

अस्सी में आवे ला बाहार जब देसवा से प्यार हो जाई

भाई भोजपुरिया हो भाई भोजपुरिया 
,

कर ना तुही कुछ जोगार ना त देसवा बिरान हो जाई ,

गाँधी जी में ताकत तोहरे से आइल हो ,

गोरान अंग्रेजन के मन घबराइल हो ,

बड़ी जोड़ से बही जब बेयार की दुश्मन के नाश हो जाई ,

जय प्रकाश नारायण के के नइखे जानत हो ,

अइसन बहवाले उ सामाजिक बेयार इमरजेंसी तबाह हो जाई..

Ravi Kumar Giri